官方微信 官方微博
當前位置: 首頁 > 云山論劍 > 正文

昔日嘅“流花地區” -信息時報

信息時報 | 阿六 | 2019-04-14 10:29:40

白話廣州


  宜家講到“流花地區”,通常系指廣州火車站(以南)、省汽車站(以東)、市客運站(以北)以及流花車站(以西)圍住嗰個區域。“流花地區”基本上可同客運重要樞紐劃上等號。喺廣州嘅發展史上,最早期嘅“流花地區”(客運重要樞紐)并唔系喺環市路,而系喺珠江邊。

  小弟上周寫到嘅白云路,曾有一個廣州歷史最長嘅火車站——廣九火車站。呢個站建于民國初期,到1974年環市西路火車站建成啟用后先至“退休”。廣九火車站位于沿江東路嘅北面。

  宜家返鄉下拜山,好多人都系自己揸車,但喺上世紀七八十年代,返鄉下都系坐船嘅,喺邊度坐?大沙頭客運站!呢個客運站建于上世紀五十年代,可以往返珠江流域沿岸各地,九十年代中后期“退休”改成旅游碼頭。大沙頭客運站位于沿江東路嘅東面。

  沿江東路西北面嘅越秀南客運站,亦系“生于”上世紀五十年代,系廣州歷史最長嘅長途車客運站,當打之年,佢嘅運力同樣系NO1,系廣州一個“名站”。

  從地理位置上睇,以沿江東路為中心,廣九火車站(以南)、大沙頭客運站(以西)、越秀南客運站(以東)組成當年嘅“流花地區”,系廣州客運嘅重要樞紐。不過,隨住越秀南客運站五一后“退休”,昔日沿江東路嘅“流花地區”就正式成為歷史。

  ◎阿六 律師


信息時報社地址:廣東省廣州市廣州大道南83號匯美商務中心四樓

信息時報社 版權所有(C) 爆料電話:020-34323111 QQ:800023111 官方微博:@ 信息時報

舉報及投訴電話:(020)34323133 郵箱:xxsb_gz@163.com

網上有害信息舉報專區

黑帽SEO